హైదరాబాద్‌, : సంక్రాంతి పండుగ దృష్ట్యా ప్రయాణికుల రద్దీని తగ్గించేందుకు జనవరి 1వ తేదీ నుంచి నెల చివరివారం వరకు లింగంపల్లి -కాకినాడ టౌన్‌ మధ్య 28 సూపర్‌ఫాస్ట్‌ ఏసీ ప్రత్యేక రైళ్లు నడుపనున్నట్టు దక్షిణమధ్య రైల్వే ఒక ప్రకటనలో తెలిపింది. లింగంపల్లి నుంచి ప్రారంభమయ్యే ప్రత్యేక రైళ్లు బేగంపేట, సికింద్రాబాద్‌, వరంగల్‌, ఖమ్మం, రాయనపాడు, గుడివాడ, కైకలూరు, ఆకివీడు, భీమవరం టౌన్‌, తణుకు, రాజమండ్రి స్టేషన్లమీదుగా కాకినాడకు రాకపోకలు సాగిస్తాయని వెల్లడించింది. ఈ రైళ్లలో ఒక ఏసీ ఫస్ట్‌ క్లాస్‌, 3 ఏసీ టూ టైర్‌, 12 ఏసీ త్రీ టైర్‌ కోచ్‌ సదుపాయాలున్నాయని పేర్కొన్నది.