వరంగల్ ఈస్ట్, ఆగస్టు 14 (జనం సాక్షి)సోమవారం మన దేశ ప్రధాని నరేంద్ర మోడీ పిలుపుమేరకు స్థానిక లిటిల్ ఫ్లవర్ హై స్కూల్ లో హర్ ఘర్ తిరంగా మరియు మేరీ మట్టి, మేరా దేశ్ వేడుకలు ఘనంగా జరిగాయి. ఈ సందర్భంగా పాఠశాల విద్యార్థినీ విద్యార్థులు 100 ఫీట్ల జాతీయ జెండాతో రంగశాయి పేట ప్రధాన కూడల్లు అయిన శంభుని పేట జంక్షన్, గవిచర్ల క్రాస్ నుండి ఊరేగింపుగా పాఠశాలకు చేరుకున్నారు. ఈ సందర్భంగా పాఠశాల ప్రిన్సిపల్ శేర్ల అనిల్ కుమార్ మాట్లాడుతూ నేటి బాలలే రేపటి పౌరులు అందుచేతనే విద్యార్థులకు చిన్నతనం నుండే దేశభక్తిని పెంపొందించేందుకు ఈ కార్యక్రమాన్నిచేపడుతున్నామని చెప్పారు. అంతేకాకుండా ఎంతోమంది మహనీయుల కృషి ఫలితంగా మనం స్వాతంత్రాన్ని సిద్ధించుకున్నామని అన్నారు. మరియు మనకు స్వాతంత్రం వచ్చి 75 సంవత్సరాలు పూర్తి అయిన సందర్భంగా కేంద్ర ప్రభుత్వం ఇచ్చిన పిలుపుమేరకు ఈ కార్యక్రమాన్ని చేపడుతున్నామని అన్నారు. ప్రతి విద్యార్థి కూడా మన తల్లిదండ్రులను ఏవిధంగా అభిమానిస్తామో మన దేశాన్ని కూడాఅదేవిధంగా అభిమానించాలన్నారు. ఈ సందర్భంగా 6 నుండి 10వ తరగతి విద్యార్థులు మద్దెల కుంట స్మశాన వాటికలో మొక్కలు నాటారు. ఈ కార్యక్రమంలో ఆర్ వై ఎఫ్ బాధ్యులు పాల్గొన్నారు. మరియు పాఠశాల కరస్పాండెంట్ శేర్ల రజని ఉపాధ్యాయులు సాలేహ, ప్రవీణ్, సాయి కృష్ణ, శ్రీధర్, పూర్ణిమ, మానస తదితరులు పాల్గొన్నారు.