మర్పల్లి, సెప్టెంబర్ 30 (జనం సాక్షి) శుక్రవారం రోజున మండల పరిషత్ కార్యాలయ ఆవరణలో మండలానికి చెందిన 21 మంది లబ్ధిదారులకు మంజూరైన కళ్యాణ లక్ష్మి, షాదీ ముబారక్ చెక్కులు, మరియు బతుకమ్మ చీరలు పంపిణీ చేశారు. ఈ సందర్భంగా ఎమ్మెల్యే మెతుకు ఆనంద్ మాట్లాడుతూ తెలంగాణ రాష్ట్ర ప్రభుత్వం, సీఎం కేసీఆర్ ఆడబిడ్డల సంక్షేమం కోసం ఆదర్శవంతమైన పథకాలను ప్రవేశ పెడుతున్నారని ఆయన అన్నారు. ఈ కార్యక్రమంలో   ఎంపీపీ బంటు లలితా రమేష్, జడ్పిటిసి మధుకర్, వైస్ ఎంపీపీ మోహన్ రెడ్డి,  రైతు సమన్వయ సమితి అధ్యక్షుడు నాయక్ గౌడ్, ఎంపీడీవో జనార్దన్ రెడ్డి, తహశీల్దార్ శ్రీధర్, సర్పంచులు, ఎంపీటీసీలు, తదితరులు పాల్గొన్నారు.