మిర్యాలగూడ ,జనం సాక్షి

నాగార్జునసాగర్ ఎడమ కాలువలో ఈత కోసం వెళ్ళిన యువకుడు గల్లంతైన మృతదేహం బుధవారం లభ్యమయింది. మిర్యాలగూడ రూరల్ ఎస్సై నర్సింహులు తెలిపిన వివరాల ప్రకారం..
నల్గొండ జిల్లా మిర్యాలగూడ మండలం మైసమ్మకుంట తండాకు చెందిన బాణావత్ శంకర్ ( 20 ) తన స్నేహితుడైన శ్రీధర్ తో కలిసి కురియా తండ వద్ద గల నాగార్జునసాగర్ ఎడమ కాలువ లో ఈనెల 11వ తేదీన (మంగళవారం ) ఈత కొట్టుటకు వెళ్లి ఇటు నుండి అటు ఒడ్డు చేరుటకు వెళుతుండగా నీటి ప్రవాహంలో కొట్టుకొని పోయినాడు.అతనిని గాలించగా బుధవారం మిర్యాలగూడ మండలం తక్కెలపాడు, శెట్టిపాలెం శివారులో కాలువలో ఒడ్డులో శవమై తేలి ఉన్నాడు. సంఘటన స్థలాన్ని మిర్యాలగూడ రూరల్ ఎస్ ఐ డి నరసింహులు సందర్శించి పోస్టుమార్టం నిమిత్తం మృతదేహాన్ని ప్రభుత్వ ఆసుపత్రికి తరలించనైనది. మృతుడి తల్లి ధనవత్ లక్ష్మి ఫిర్యాదు మేరకు కేసు నమోదు చేసుకొని దర్యాప్తు చేయనైనదని తెలిపారు.