ఇంటర్ పరీక్షలు ప్రారంభం
హైదరాబాద్,అక్టోబర్25 (జనంసాక్షి): ఇంటర్ ఫస్టియర్ పరీక్షలు ప్రశాంతంగా ప్రారంభమయ్యాయి. కరోనా కారణంగా గతేడాది ఇంటర్ పరీక్షలు జరగని విషయం తెలిసిందే. అయితే ప్రభుత్వ మార్గదర్శకాలకు అనుగుణంగా ఫస్టియర్ పరీక్షలను నిర్వహిస్తున్నారు. రాష్ట్ర వ్యాప్తంగా 1,769 పరీక్ష కేంద్రాల్లో 4,59,228
మంది విద్యార్థులు ఈ పరీక్షలు రాస్తున్నారు. కరోనా జాగ్రత్తలు పాటిస్తూ పరీక్షలు నిర్వహిస్తున్నారు. పరీక్షా కేంద్రానికి వచ్చిన ప్రతి విద్యార్థికి థర్మల్ స్క్రీనింగ్, హాండ్ శానిటైజేషన్ చేసిన తర్వాతే పరీక్ష కేంద్రం లోపలికి అనుమతించారు. నేడు జరుగుతున్న సెకండ్ లాంగ్వేజ్ పరీక్షకు సెట్`ఏ ప్రశ్నపత్రాన్ని ఎంపిక చేశారు.
