పోటో రైటప్: అన్నదానం చేస్తున్న సభ్యులు.
బెల్లంపల్లి, సెప్టెంబర్ 4, (జనంసాక్షి)
బెల్లంపల్లి పట్టణంలోని కాంటా ఏరియా బస్టాండ్ వద్ద ఆదివారం అమ్మఒడి స్వచ్ఛంద సేవా సంస్థ ఆధ్వర్యంలో అన్నదానం చేపట్టారు. ఈసందర్భంగా అమ్మఒడి అన్నదాత ప్రాజెక్టు బెల్లంపల్లి బ్రాంచ్ మేనేజర్ హనుమండ్ల మదుకర్ మాట్లాడుతూ అన్నమో రామచంద్ర అని ఆకలితో అలమటిస్తున్న వారి ఆకలి బాధను తగ్గించడానికి తమ వంతు సాయంగా అన్నదానం కార్యక్రమం ప్రారంభించామని తెలిపారు. ఈరోజు బ్రహ్మర్షి పోతామహా సుభాష్ పత్రిజీ దివ్యమార్గదర్శకత్వంలో అమృతోత్సవ వేడుక సందర్భంగా సింగరేణి సంఘమిత్ర పిరమిడ్ ధ్యానకేంద్రం సహకారంతో కీర్తిశేషులు బోడమల్ల వెంకట్రావు సంవత్సరికం వారి కుటుంబ సభ్యులు భార్య సత్య, కుమారులు అజయ్ కుమార్, సింహాచల్ కుమార్, సహకారంతో 146వ సారి అన్నదానం చేపట్టినట్లు అయన పేర్కొన్నారు. బెల్లంపల్లి పట్టణంలోని కాంటా చౌరస్తా పల్లెటూరి బస్టాండు వద్ద యచకులకు, నిరుపేదలకు, కూలీలకు, బాటసారులకు, సుమారు 500 మందికి అన్నదానం చేసినట్లు తెలిపారు. ఈకార్యక్రమంలో అమ్మఒడి సభ్యులు హనుమండ్ల నారాయణ, గన్నెవరం తిరుమల చారి, రంగ సురేష్, మేదరి రవి, జంజర్ల దినేష్ కుమార్, మేడిపల్లి రమేష్, లెంకల శ్రావణ్ కుమార్, చెందుపట్ల లింగన్న, నాగుల సురేష్, ప్రఖ్యాత్, దాడి పవన్, మల్లీశ్వరి పాల్గొన్నారు.