వరంగల్ ఈస్ట్, సెప్టెంబర్ 18(జనం సాక్షి)

తన భూమిలో అక్రమంగా ప్రహరీ నిర్మిస్తున్నారని దానిని అడ్డుకోవాలని కోరుతూ వరంగల్ నగరంలోని మీల్స్ కాలనీ  పోలీస్ స్టేషన్లో బాధితుడు అన్నారపు రామరాజు ఆదివారం ఫిర్యాదు చేశారు. ఈ సందర్భంగా రామరాజు మాట్లాడుతూ సర్వే నెంబర్ 774లో పాలకుర్తి నాగరాజు అనే వ్యక్తి దగ్గర తాను ఆరు గుంటల భూమి ఏడాది క్రితం కొన్నానని, దీనికి సంబంధించిన కాగితాలు తన వద్ద ఉన్నాయని తెలిపారు. కానీ కొందరు వ్యక్తులు అక్రమంగా దౌర్జన్యంగా ఆ భూమిలో ప్రహరీ నిర్మిస్తూ ఇబ్బంది కలిగిస్తున్నారని, ఇదేంటని అడిగితే  బెదిరిస్తున్నారని రామరాజు తెలిపారు.  దొంగ కాగితాలు సృష్టించి తమ భూమిలో అక్రమ నిర్మాణం చేస్తున్న వారిపై చర్యలు తీసుకోవాలని తనకు న్యాయం చేయాలని ఫిర్యాదులో  పేర్కొన్నట్లు తెలిపారు . అదేవిధంగా మున్సిపల్ కార్పొరేషన్ అధికారులకు కూడా ఫిర్యాదు చేయనున్నట్టు రామరాజు వివరించారు.