మార్మోగిన గణనాధుని నామస్మరణం

– కన్నుల పండువగా తిరుమల కుంట లో యూత్ ఆధ్వర్యంలో గణనాధుని శోభాయాత్ర…
అశ్వరావుపేట, సెప్టెంబర్ 11( జనం సాక్షి )

తొమ్మిది రోజులపాటు భక్తుల నుంచి విశేష పూజలు అందుకున్న గణనాధుడిని ఆదివారం వైభవంగా నిమజ్జనానికి తరలించారు. అశ్వరావుపేట మండల పరిధిలోని తిరుమల కుంట యూత్ అసోషియేషన్ ఆధ్వర్యంలో ఏర్పాటుచేసిన వినాయక మండపంలో కొలువుదీరిన గణపయ్యకు నవరాత్రులు ఉత్సవాలో మహిళలు ప్రత్యేక పూజలు నిర్వహించారు జై బోలో గణేష్ మహరాజ్ కి జై అంటూ భక్తిశ్రద్ధలతో నిమజ్జన కార్యక్రమం కన్నుల పండువగ సాగింది.తొమ్మిది రోజులుగా పూజలు అందుకున్న గణనాథుడు గంగమ్మ ఒడికి పయనమయ్యాడు.బ్యాండ్ మేళాలు,భక్తి గేయాలు,మహిళల కోలాటాలు, పిల్లల కేరింతల నడుమ యువత చిందులేస్తూ ముందుకు సాగారు. డీజే చప్పుళ్ల మధ్య స్టెప్స్ వేస్తూ మహిళలతో పాటు యూత్ యువకులు గణనాథుని సన్నిధిలో చూపర్లను ఆకట్టుకున్నాయి. వివిధ ప్రాంతాల నుండి పలు పార్టీల నాయకులు ఈ శోభాయాత్రలో పాల్గొన్నారు. ఇంటింటికి ఊరేగింపుగా ప్రసాదాలను అందజేశారు. ఈ కార్యక్రమంలో తెరాస పార్టీ మండల కార్యదర్శి జుజ్జూరు వెంకన్న బాబు, భక్తి గీతాల స్వరాలాపనులు దాసరి వెంకన్నబాబు పర్సా రమేష్, వైస్ సర్పంచ్ జుజ్జూరు రాంబాబు, బొల్లు కొండ చెన్నారావు, మొద్దు మరియమ్మ, సాదు శ్రీనివాసరావు, జుజ్జూరు మనోహర్, తదితర భక్తులు పాల్గొన్నారు.