గరిడేపల్లి, జూలై 22 (జనం సాక్షి): గరిడేపల్లి లోని గుండాల మిట్టలో గల గుండాలమ్మ తల్లి దేవాలయంలో ఆషాడ మాసాన్ని పురస్కరించుకొని శుక్రవారం అమ్మవారికి శాకంబరీ దేవి అవతారాన్ని కూరగాయలతో అలంకరించారు. దీంతో గుండాలమ్మ తల్లి శుక్రవారం శాకంబరీ దేవి అవతారంలో భక్తులందరికీ దర్శనం మివ్వనున్నారు. ఆలయ కమిటీ సభ్యులు మాట్లాడుతూ శుక్రవారం ప్రత్యేక పూజా కార్యక్రమాలను నిర్వహించనున్నామని రాష్ట్ర రహదారి ప్రక్కనే ఆలయం ఉండడంతో భక్తుల తాకిడి అధికంగానే ఉంటుందన్నారు.