న్యూఢిల్లీ : అకాల వర్షాలతో పంట నష్టపోయిన పంజాబ్ రైతులను పరామర్శించి, వారికి ధైర్యం చెప్పేందుకు కాంగ్రెస్ ఉపాధ్యక్షుడు రాహుల్ గాంధీ మంగళవారం ఆ రాష్ట్రంలో పర్యటించారు. ‘పంజాబ్ ధాన్య భాండాగారం’గా పేరుపొందిన గోవింద్గఢ్, అంబాలా ప్రాంతాలతోపాటు ప్రసిద్ధ ఖన్నా మండీని సందర్శించిన ఆయన పంట నష్టంతో ఆత్మహత్యలకు పాల్పడిన రైతుల కుటుంబాలను పరామర్శించారు. దేశానికి అన్నంపెట్టే రైతులను ఆదుకోకుండా, వారి భూమిని లాక్కునేందుకు భూసేకరణ సవరణ చట్టం తెస్తోందని కేంద్ర ప్రభుత్వంపై నిప్పులు చెరిగారు. రైతుల తరఫున ముందుండి పోరాడతానని స్పష్టం చేశారు. పంజాబ్ రైతుల దుస్థితిని ప్రభుత్వం దృష్టికి తేవడమే తన పర్యటన ఉద్దేశమని రైతులకు వివరించారు.