ఉప్పల్, జూన్ 11 (జనం సాక్షి): దేశ ప్రధానమంత్రి నరేంద్ర మోదీ నాయకత్వంలోని కేంద్ర ప్రభుత్వం విజయవంతంగా 4399 రోజుల పాలన పూర్తి చేసుకున్న సందర్భంగా ఉప్పల్ డివిజన్ పరిధిలోని న్యూ శాంతినగర్ కాలనీలో బీజేపీ నాయకులు ప్రత్యేక కార్యక్రమాన్ని ఘనంగా నిర్వహించారు. దేశాభివృద్ధి, సుపరిపాలన, ప్రజా సంక్షేమానికి ప్రతీకగా నిలిచిన మోదీ పాలన విజయాలను ప్రజలకు వివరించేందుకు ఈ కార్యక్రమాన్ని ఏర్పాటు చేశారు. కార్యక్రమంలో పార్టీ నాయకులు, కార్యకర్తలు, స్థానిక ప్రజలు ఉత్సాహంగా పాల్గొన్నారు.ఉప్పల్ డివిజన్ అధ్యక్షుడు మారినేని ఫణీంద్ర సూచన మేరకు, డివిజన్ ఎస్సీ మోర్చా అధ్యక్షుడు భాజ జయరాం ఆధ్వర్యంలో బంగారు మైసమ్మ తల్లి ఆలయంలో ప్రత్యేక పూజలు నిర్వహించారు. దేశం మరింత అభివృద్ధి చెందాలని, ప్రజలందరూ సుఖశాంతులతో జీవించాలని ఆకాంక్షిస్తూ ప్రత్యేక ప్రార్థనలు చేశారు. అనంతరం భారత రాజ్యాంగ నిర్మాత డాక్టర్ బాబాసాహెబ్ అంబేద్కర్ చిత్రపటానికి పూలమాలలు వేసి ఘనంగా నివాళులర్పించారు.తదనంతరం ప్రధాని నరేంద్ర మోదీ చిత్రపటానికి పాలాభిషేకం నిర్వహించి, మిఠాయిలు పంపిణీ చేస్తూ సంబరాలు జరుపుకున్నారు. ఈ సందర్భంగా కేంద్ర ప్రభుత్వం గత 12 సంవత్సరాల కాలంలో సాధించిన అభివృద్ధి, మౌలిక వసతుల విస్తరణ, సంక్షేమ కార్యక్రమాలు, సామాజిక న్యాయం కోసం చేపట్టిన చర్యలను నాయకులు ప్రజలకు వివరించారు.కార్యక్రమానికి ముఖ్య అతిథిగా హాజరైన బీజేపీ ఎస్సీ మోర్చా రాష్ట్ర కార్యదర్శి సురేఖ మాట్లాడుతూ, ప్రధాని నరేంద్ర మోదీ నాయకత్వంలో భారత్ ప్రపంచ దేశాల దృష్టిని ఆకర్షించే స్థాయికి ఎదిగిందన్నారు. పేదలు, మహిళలు, రైతులు, యువత, ఎస్సీ, ఎస్టీ, బీసీ వర్గాల అభ్యున్నతి కోసం కేంద్ర ప్రభుత్వం అనేక సంక్షేమ పథకాలను అమలు చేస్తోందని తెలిపారు. అవినీతి రహిత పాలన, పారదర్శక పరిపాలన, సమగ్ర అభివృద్ధే కేంద్ర ప్రభుత్వ లక్ష్యాలని పేర్కొన్నారు.ఈ సందర్భంగా ఉప్పల్ డివిజన్ అధ్యక్షుడు మారినేని ఫణీంద్ర మాట్లాడుతూ, మోదీ నాయకత్వంలో భారత్ ఆర్థిక, సామాజిక, సాంకేతిక, అంతరిక్ష రంగాల్లో విశేష విజయాలను నమోదు చేసిందన్నారు. దేశ ప్రజల సంక్షేమం కోసం కేంద్ర ప్రభుత్వం తీసుకొస్తున్న పథకాలు గ్రామీణ ప్రాంతాల నుంచి పట్టణాల వరకు ప్రతి కుటుంబానికి చేరుతున్నాయని తెలిపారు. ఉప్పల్ డివిజన్‌లో ప్రజా సమస్యల పరిష్కారానికి బీజేపీ నాయకులు నిరంతరం ప్రజల మధ్య ఉంటూ సేవా కార్యక్రమాలు నిర్వహిస్తున్నారని పేర్కొన్నారు.ప్రజల విశ్వాసాన్ని నిలబెట్టుకుంటూ కేంద్ర ప్రభుత్వ పథకాలను ఇంటింటికీ తీసుకెళ్లేందుకు పార్టీ కార్యకర్తలు కృషి చేస్తున్నారని, భవిష్యత్తులో మరిన్ని ప్రజా సేవా కార్యక్రమాలు నిర్వహిస్తామని నాయకులు తెలిపారు. దేశ అభివృద్ధిలో ప్రతి పౌరుడు భాగస్వామి కావాలని పిలుపునిచ్చారు.ఈ కార్యక్రమంలో బీజేపీ సీనియర్ నాయకులు బల్వంత్ చారి, డివిజన్ ప్రధాన కార్యదర్శి తీగ విట్టల్ రావు ముదిరాజ్, ఉపాధ్యక్షులు అంజి రెడ్డి, సీనియర్ నాయకులు శ్రీధర్ గుప్తా, మహిళా మోర్చా అధ్యక్షురాలు మద్దెల పద్మ, ఓబీసీ మోర్చా అధ్యక్షుడు అమరేందర్, యువ మోర్చా అధ్యక్షుడు ఆడెపు రమేష్, గిరిజన మోర్చా అధ్యక్షుడు రాజు నాయక్, మైనార్టీ మోర్చా అధ్యక్షుడు శ్రీధర్ల జాన్, సోషల్ మీడియా కన్వీనర్ అభిరామ్, దళిత మోర్చా నాయకులు శివకుమార్, వినోద్, సిలివేరు సుదర్శన్, సతీష్, రామ్ నివాస్, రవితేజ, జస్ట్ బీర్ శేఖర్, యువ మోర్చా అధికార ప్రతినిధి వెంకట్ సాయి ముదిరాజ్, రాజేందర్‌తో పాటు మహిళా మోర్చా నాయకురాళ్లు నవత, జ్యోతి, శారద, కోమలత, విజేత, పూజ, మాధవి, స్రవంతి తదితరులు పాల్గొన్నారు.