కళ్ల కింద డార్క్‌ సర్కిల్స్‌ కారణంగా చాలామంది ఇబ్బంది పడుతుంటారు. నిద్ర సరిగ్గా లేకపోయినా, లేట్‌ నైట్‌ నిద్రపోవడం, కళ్లజోడు పెట్టుకోవడం, మానసిక ఒత్తిడి ఎక్కువగా ఉన్నా.. కళ్ల కింద నల్లని వలయాలు ఏర్పడే అవకాశం ఉంది. ఈ సమస్య ఇన్‌ఫెక్షన్లు, కంట్లో రక్తకణాలు దెబ్బతినడంతో పాటు వంశపారంపర్యంగా వచ్చే అవకాశం ఉందని వైద్యులు చెబుతున్నారు. డార్క్‌ సర్కిల్స్‌ కారణంగా ఒక వ్యక్తి అలసరిపోయినట్లు, వయస్సు కంటే పెద్దదిగా కనిపిస్తారు. ఈ డార్క్ సర్కిల్స్‌ను తగ్గించుకోవడానికి రకరకాల మందులను చాలా మంది వాడుతుంటారు, ట్రీట్మెంట్స్‌ తీసుకుంటారు. డార్క్‌ సర్కిల్స్‌ సమస్యకు చెక్‌ పెట్టడానికి, కొన్ని హోంరెమిడీస్‌ సహాయపడతాయి. అవేంటో ఈ స్టోరీలో చూసేయండి.

పుదీనా ఆకులు..

కొన్ని తాజా పుదీనా ఆకులను పేస్ట్‌ చేసి కంటి కింద అప్లై చేయండి. దీన్ని 10 నిమిషాల పాటు ఆరనివ్వండి. పుదీనా ఆకులు శీతలీకరణ ప్రభావాన్ని కలిగి ఉంటాయి. ఇది కంటి కింద వాపు, నల్లటి వలయాలను తగ్గించడానికి తోడ్పడుతుంది.

బంగాళదుంప..

బంగాళదుంపను సన్నని ముక్కలుగా కట్‌ చేసి, వాటిని కళ్లపై 10 నుంచి 15 నిమిషాల పాటు ఉంచండి. బంగాళాదుంపలలో సహజమైన బ్లీచింగ్ లక్షణాలు ఉన్నాయి, ఇవి నల్లటి వలయాలను తేలికగా మార్చడంలో సహాయపడతాయి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.