ప్రజల తరపున పోరాడిన మహానేత చెన్నమనేని. జీవితం మొత్తం కమ్యూనిస్ట్ పార్టీకి, ప్రజలకే అంకితం చేశారు. రైతు సంఘం నాయకుడిగా అనేక సమస్యలకు పరిష్కారం చూపారు. విద్యార్థి దశలోనే స్వాతంత్ర ఉద్యమంలో పాల్గొన్నారు. హైదరాబాద్ సంస్థాన విమోచనోద్యమంలో చెన్నమనేని పాల్గొన్నారు. విద్యార్థి దశ నుంచి నిజాంకు వ్యతిరేకంగా పోరాడారు. నిజాం వ్యతిరేక పోరాటంలో జైలు జీవితం అనుభవించారు.

1999లో తెలుగుదేశం పార్టీలో చేరారు. తెలంగాణ ప్రత్యేక రాష్ట్ర ఉద్యమసమయంలో టీఆర్ఎస్ పార్టీలో చేరారు. 2004 తర్వాత క్రియాశీల రాజకీయాల నుంచి తప్పుకున్నారు. మహారాష్ట్ర గవర్నర్ చెన్నమనేని విద్యాసాగర్ రావు, ఆర్థిక నిపుణులు చెన్నమనేని హన్మంతరావు ఆయనకు సోదరులు. వేములవాడ శాసనసభ్యుడు చెన్నమనేని రమేశ్ రాజేశ్వరరావు ఆయన కుమారుడు.