తాండూరు జులై 26(జనంసాక్షి)వికారాబాద్ జిల్లా తాండూరు పట్టణం వాల్మీకి నగర్ లో వెలసిన శ్రీ రేణుక ఎల్లమ్మ ఆలయంలో శ్రీ రేణుకా ఎల్లమ్మ అమ్మవారిని ఆలయ ఆర్చకులు శాంకాంబరి అలంకరణలో భక్తులకు దర్శనభాగ్యం కల్పించారు. మంగళవారం ఆషాడ మాసం పురస్కరించుకొని ఈ ఆలయంలో కొలువుదీరిన శ్రీ రేణుక ఎల్లమ్మ అమ్మవారిని వివిధ కూరగాయలు పండ్ల తో అలంకరించి శాకాబరీ దేవి గా దర్శనం కల్పించారు. దీంతో పట్టణ ప్రజలు భక్తులు అధిక సంఖ్యలో ఆలయానికి చేరుకుని శాకంబరి దేవిగా అమ్మవారిని దర్శించుకుని తరించారు ఈ సందర్భంగా ఆలయ అర్చకులు వేద మంత్రోచ్ఛారణలతో ఆశీర్వదించి తీర్థప్రసాదాలు అందజేశారు. ఈ ఆధ్యాత్మిక కార్యక్రమంలో
ఆలయ కమిటీ అధ్యక్షుడు ధార్మిది. రవిశంకర్, పూజారి పాండు, సునీల్ కుమార్, సతీష్, నగేష్ , శెట్టి శరణు, ఎం. నాగరాజు ,మహిళా మండలి అధ్యక్షురాలు ధర్మిది చంద్రకళ,ఆలయ అర్చకులు, భక్తులు తదితరులు పాల్గొన్నారు.