ఇటిక్యాల (జనంసాక్షి) సెప్టెంబర్ 30 దసరా నవరాత్రి ఉత్సవాలలో పురస్కరించుకొని ఉండవెల్లి మండల పరిధిలోని షేర్ పల్లి గ్రామంలో శుక్రవారం శివపుత్ర యూత్ ఆధ్వర్యంలో వివిధ రకాల పూలతో బతుకమ్మ సంబరాలను ఘనంగా నిర్వహించారు. ఈ సందర్భంగా గ్రామంలో ఉన్న మహిళలు దుర్గామాత అమ్మవారి విగ్రహందగ్గరికి పాల్గొని తెలంగాణ సాంప్రదాయ పండుగ అయిన బతుకమ్మ పండుగలో రంగురంగుల పూలతో బతుకమ్మను పేర్చి ఆడుతూ పాడుతూ సంబరాలను అంబరాన్ని అంటేలా నిర్వహించారు. ఈ కార్యక్రమంలో శివపుత్ర యూత్ సభ్యులు బాలరాజు, రాజ్ కుమార్, నరసింహ, డి.శేఖర్ మరియు గ్రామ పెద్దలు మహిళలు పాల్గొన్నారు.