హైదరాబాద్: ఏపీ తీవ్ర ఆర్థిక లోటులో ఉందని, కేంద్ర ప్రభుత్వం వెంటనే స్పదించి ప్రత్యేక హోదా ఇవ్వాలని అనకాపల్లి టిడిపి ఎంపి అవంతి శ్రీనివాస్ ప్రభుత్వానికి విజ్ఞప్తి చేశారు. లోక్ సభలో ప్రశ్నోత్తరాల సందర్భంగా అవంతి మాట్లాడుతూ.. ప్రత్యేక హోదా ఇస్తే తప్ప ఏపీ ఆర్థిక పరిస్థితి మెరుగుపడదన్నారు. బడ్జెట్ లోటును కేంద్ర ప్రభుత్వం భర్తీ చేస్తుందని విభజన చట్టంలో ఉందన్నారు. టిడిపి ఎంపీలకు పదవులు ముఖ్యం కాదు.. రాష్ట్ర ప్రయోజనాలే ముఖ్యమని స్పష్టం చేశారు.