తల్లీ… వెళ్లిరావమ్మా! “””””””””””””””””””””
పల్లవి;
బతుకమ్మ… బతుకమ్మ
మా “కంటి” వెలుగమ్మా
మా “ఇంటి” వేల్పమ్మా
మా చల్లని “తల్లి”వి నీవమ్మా… ఓ బతుకమ్మ
మా బతుకు”మెతుకే”నీవమ్మా.. మాబతుకమ్మ
చరణం:
బాధల తరుము “శక్తి”వి నీవు
బతుకు పాటల “శృతి”వి నీవు
పోరాటాల “స్ఫూర్తి”వి నీవు
త్యాగాల”మూర్తి”వి నీవమ్మా… ఓ బతుకమ్మ
తెలంగాణ “కీర్తి”వి నీవమ్మా … మా బతుకమ్మ
చరణం:
తీరొక్క రంగు పూలను ఏరి
ఒక్కో వరుస అందంగా తీర్చి
నడిమిట్ల గౌరమ్మను కూర్చి
భక్తి శ్రద్ధలతో పూజలు చేసి
బోనమెత్తి బైలెల్లేమమ్మా… ఓ బతుకమ్మా
అడపడుచులం ఆడిపాడేమమ్మా..బతుకమ్మ
చరణం:
సంస్కృతుల “ప్రతీక” నీవు
శాంతి సమైక్యతల “రూపం” నీవు
తెలంగాణ “ఆత్మ”గౌరవం నీవు
సిరిసంపదల”వరం”ఇవ్వమ్మ .. మా బతుకమ్మ
చల్లగా దీవించి వెళ్లి రావమ్మా ఓ బతుకమ్మ
“”””””'””””””
(బతుకమ్మ తల్లిని సాగనంపుతున్న సందర్బంగా…)
కోడిగూటి తిరుపతి
జాతీయ ఉత్తమ కవి పురస్కార గ్రహీత
Mbl no: 9573929493
