ఎల్లారెడ్డి 16 ఆగస్ట్ జనంసాక్షి (టౌన్)

నల్గొండ జిల్లాలో న్యాయవాది  గాదె  విజయరెడ్డి  హత్యకు నిరసనగా ఎల్లారెడ్డి పట్టణ కేంద్రంలో మున్సిప్ కోర్ట్ ఆవరణలో మంగళవారం నాడు ఎల్లారెడ్డి బార్ అసోసియేషన్  న్యాయవాదులు  నిరసన వ్యక్తం చేసి విధులు బహిష్కరించారు. ఈ సందర్భంగా వారు మాట్లాడుతూ ఇటీవల న్యాయవాదులపై దాడులు, హత్యలు పెరిగిపోతున్నాయని, వాటిని నిరోధించడానికి అడ్వకేట్ ప్రొటెక్ట్ యాక్ట్ తీసుకురావాలని ప్రభుత్వాన్ని డిమాండ్ చేశారు. న్యాయవాది విజయ రెడ్డిని హత్య చేసిన దుండగులను అరెస్టు చేసి కఠినంగా శిక్షించాలన్నారు. ఈ కార్యక్రమంలో ఎల్లారెడ్డి మున్సిఫ్ కోర్టు న్యాయవాదులు పద్మ పండరి,గోపాలరావు, సతీష్, వీరయ్య, ఇమాన్యుల్, సాయిబాబా, శ్రీనివాస్, గౌస్,శ్రీకాంత్ తదితరులు పాల్గొన్నారు.