సిరికొండ, జూలై 18 (జనం సాక్షి): సిరికొండ మండల నూతన ఎంపీడీఓను గ్రామ కాంగ్రెస్ నాయకులు మర్యాదపూర్వకంగా కలిసి శుభాకాంక్షలు తెలిపారు. ఈ సందర్భంగా మండలంలోని గ్రామాల సమగ్ర అభివృద్ధికి ప్రత్యేక దృష్టి సారించాలని, గ్రామాల్లో పెండింగ్‌లో ఉన్న అభివృద్ధి పనులను వేగవంతం చేయాలని కోరారు. తాగునీరు, పారిశుద్ధ్యం, అంతర్గత రహదారులు, డ్రైనేజీలు, వీధి దీపాలు వంటి మౌలిక సదుపాయాల కల్పనకు ప్రాధాన్యత ఇవ్వాలని విజ్ఞప్తి చేశారు.ప్రభుత్వ సంక్షేమ పథకాలు ప్రతి అర్హులైన లబ్ధిదారునికి పారదర్శకంగా అందేలా చర్యలు తీసుకోవాలని, ప్రజలకు ఎలాంటి ఇబ్బందులు లేకుండా కార్యాలయంలో సేవలు అందించాలని నాయకులు కోరారు. గ్రామాల అభివృద్ధి కోసం ప్రజాప్రతినిధులు, అధికారులు సమన్వయంతో పనిచేస్తే మంచి ఫలితాలు సాధించవచ్చని అభిప్రాయపడ్డారు.ఈ కార్యక్రమంలో గ్రామ కాంగ్రెస్ నాయకులు శ్రీధర్, ఆకుల జగన్, ముక్కెర సంతోష్, వీడీసీ చైర్మన్ శ్రీనివాస్ పాల్గొని నూతన ఎంపీడీఓకు పుష్పగుచ్ఛం అందజేసి శుభాకాంక్షలు తెలిపారు.