ఆర్టీసీ బస్సులో తరలిస్తున్న గంజాయి పట్టివేత

share on facebook

నల్లగొండ,అక్టోబర్‌28  (జనంసాక్షి):  ఆర్టీసీ బస్సులో తరలిస్తున్న గంజాయిని పోలీసులు పట్టుకున్నారు. ఓ వ్యక్తి పెద్ద మొత్తంలో బస్సులో గంజాయి తరలిస్తుండగా తనిఖీల్లో పట్టుబడ్డాడు. నల్లగొండ జిల్లాలోని చిట్యాల వద్ద గంజాయి తరలిస్తున్న వ్యక్తిని పోలీసులు అరెస్టు చేశారు. చిట్యాల వద్ద 65వ నంబర్‌ జాతీయ రహదారిపై పోలీసులు వాహనాలను తనిఖీ చేశారు. ఈ క్రమంలో ఆర్టీసీ బస్సులో గంజాయిని తరలిస్తున్న వ్యక్తిని అదుపులోకి తీసుకున్నారు. నిందితుడి నుంచి 22 కిలోల గంజాయిని స్వాధీనం చేసుకున్నారు. గంజాయిని ఆంధప్రదేశ్‌లోని సీలేరు నుంచి ఆదిలాబాద్‌కు తరలిస్తున్నట్లు గుర్తించారు. నిందితుడిపై కేసు నమోదుచేసిన పోలీసులు దర్యాప్తు ప్రారంభించారు.

Other News

Comments are closed.