పరస్త్రీ వ్యామోహంలో పడిన ఓ భర్త కట్టుకున్న భార్యనే అమ్మకానికి పెట్టాడు. ఈ సంఘటన తెలంగాణ రాష్ట్రంలోని నిజామాబాద్ జిల్లాలో చోటు చేసుకుంది. వివరాల్లోకి వెళితే.. ఎడపల్లి మండలం జాన్కంపేట్ గ్రామానికి చెందిన రాజుకు మారుతా అనే మహిళతో గత 2006లో వివాహం జరిగింది.అయితే వివాహమైన కొన్నాళ్లకే భార్య, భర్తల మధ్య మనస్పర్ధలు చోటు చేసుకున్నాయి. అదే సమయంలో తన అక్క కూతురు ప్రేమలో పడిన రాజు మారుతాను ఎలాగైనా వదిలించుకోవాలని నిర్ణయించుకున్నాడు.
ఎంత ప్రయత్నించినా ఆమె అడ్డుతొలగకపోవడంతో, దూరపు బంధువైన మల్లయ్య దగ్గర తీసుకున్న అప్పు తీర్చడానికి భార్యను 60 వేల రూపాయలకు అమ్మేశాడు. అయితే ఈ విషయం మారుతాకు ఆలస్యంగా తెలిసింది. దీంతో ఆమె స్థానికుల సహాయంతో స్వగ్రామానికి చేరుకుని పోలీసులకు ఫిర్యాదు చేసింది.ఈ విషయం తెలుసుకున్న స్థానిక మహిళా సంఘాలు పెద్ద సంఖ్యలో రాజు ఇంటికి చేరుకున్నారు. కట్టు కున్న భార్యను అమ్మేసిన రాజును కఠినంగా శిక్షించాలని పలువురు డిమాండ్ చేస్తున్నారు. పరారీలో ఉన్న రాజు కోసం పోలీసులు గాలిస్తున్నారు. ఈ సంఘటన ఆ ప్రాంతంలో కలకలంరేపింది.
