చెక్కులు పంపిణీ చేస్తున్న ఎమ్మెల్యే.
బెల్లంపల్లి, సెప్టెంబర్28,(జనంసాక్షి)
బెల్లంపల్లి పట్టణంలోని ఎమ్మెల్యే క్యాంపు కార్యాలయంలో బుధవారం ఎమ్మెల్యే దుర్గం చిన్నయ్య లబ్ధిదారులకు పలు సంక్షేమ పథకాలకు సంబంధించిన చెక్కులను పంపిణీ చేశారు. నియోజకవర్గ పరిధిలోని 11 మంది లబ్ధిదారులకు ₹5,91,500 రూపాయల ముఖ్యమంత్రి సహాయనిది పథకం ద్వారా మంజూరైన లబ్ధిదారులకు చెక్కులను అందజేశారు. నెన్నెల మండలం కుశ్నపల్లి గ్రామానికి చెందిన జుమ్మిడి గంగయ్య ఇటీవల మరణించగా ఆయన భార్య సాలక్కకు టీఆరెస్ పార్టీ ఇన్సూరెన్స్ చెక్కు ₹ రెండు లక్షల చెక్కును, బెల్లంపల్లి మండలం చంద్రవెళ్లి గ్రామానికి చెందిన సాయి అనారోగ్యంతో బాధపడుతున్నందున వారి కుటుంబ సభ్యులకు వైద్య చికిత్స నిమిత్తం ₹ రెండున్నర లక్షల ఎల్ఓసి అందజేశారు. ఈకార్యక్రమంలో జడ్పీ వైస్ చైర్మన్ తొంగల సత్యనారాయణ, నెన్నెల మండల కో అప్షన్ సభ్యుడు ఇబ్రహీం, నియోజకవర్గం టీఆరెస్ పార్టీ అధికార ప్రతినిధి లక్ష్మణ్, నాయకులు భీమా గౌడ్, శ్రీధర్, మల్లేష్, ఇతర ప్రజాప్రతినిధులు పాల్గొన్నారు.