ఈనెల 4వ తేది సోమవారం మణికంఠన్ పని మీద బయటకు వెళ్లాడు. తరువాత దుర్గా తాను అవ్వ ఇంటికి వెళుతున్నానని భర్తకు ఫోన్ చేసి చెప్పింది. రాత్రి పొద్దుపోయిన తరువాత దుర్గా ఇంటికి వెళ్లింది. ఆ సందర్బంలో దుర్గాను అత్త, మామ ప్రశ్నించారు. అంతే సహనం కొల్పోయిన దుర్గా ఫోన్ చేసి ప్రియుడు అంజిని పిలిపించింది. తరువాత ఇద్దరూ కలిసి సుత్తి, కొడవలి తీసుకుని అత్త, మామ మీద ఇష్టం వచ్చినట్లు దాడి చెయ్యడంతో అక్కడే ఇద్దరి ప్రాణాలు పోయాయి. అదే సమయంలో మణికంఠన్ ఇంటికి వచ్చాడు. దుర్గా ప్రియుడు అంజితో కలిసి భర్త ను హత్య చెయ్యడానికి ప్రయత్నించింది. అయితే మణికంఠన్ గాయాలతో తప్పించుకుని పోలీసులకు ఫిర్యాదు చేశాడు. హత్య చేసి పారిపోతున్న దుర్గా, ఆమె ప్రియుడు అంజిని అరెస్టు చేశామని కాడుగోడి పోలీసులు తెలిపారు. కణ్ణన్, మనోరమ దంపతులు తమిళనాడుకు చెందిన వారు. బెంగళూరు చేరుకుని కాడుగోడి సమీపంలోని ఎకేజే కాలనీలో నివాసం ఉంటున్నారు. మణికంఠన్ ఆసుపత్రిలో చికిత్స పోందుతున్నాడని కేసు దర్యాప్తులో ఉందని పోలీసులు తెలిపారు.