చండ్రుగొండ జనంసాక్షి (జూలై 02) మండల కేంద్రంలోని ప్రభుత్వ  జిల్లా పరిషత్ ఉన్నత పాఠశాలలో పదవ తరగతి ఉత్తమ ఫలితాలు సాధించిన  విద్యార్థులను  శనివారం  జడ్పీటీసీ కొడకండ్ల వెంకటరెడ్డి ఎంపీటీసీ  దారా వెంకటేశ్వర్రావు  అభినందించారు.మిఠాయిలు తినిపించి ఉత్సాహపరిచారు. ఈ సందర్భంగా వారు మాట్లాడుతూ  కరొనా కారణంగా గత రెండు సంవత్సరాల పాటు  తరగతులు నిర్వహించడంలో ఆటంకం ఏర్పడినప్పటికీ  ఈ ఏడాది చక్కటి ఫలితాలు సాధించడం  అభినందనీయమన్నారు. ప్రైవేటు పాఠశాలలకు దీటుగా  ప్రతిభను చాటేందుకు  ఉపాధ్యాయుల కృషి వెలకట్టలేనిదన్నారు. ఈ కార్యక్రమంలో  మండల విద్యాశాఖ అధికారి  సత్తెనపల్లి సత్యనారాయణ,ఎస్ఎంసీ చైర్మన్ శ్రీనివాసరెడ్డి,పాఠశాల ప్రధానోపాధ్యాయుడు ఉండేటీ   ఆనంద్ కుమార్,నాయకులు చిదేళ్ల   పవన్, పాఠశాల ఉపాధ్యాయులు  పాల్గొన్నారు