దేశీయంగా విమాన ప్రయాణికుల సంఖ్య అంతకంతకు పెరుగుతోంది. తాజాగా గత సెప్టెంబరు మాసంలో దేశీయ విమాన ప్రయాణికుల సంఖ్యలో 14.5 శాతం వృద్ధి నమోదు అయింది.అంతకు ముందు ఏడాది ఇదే కాలంలో 58 లక్షలుగా ఉన్న ప్రయాణికుల సంఖ్య ఈ ఏడాది సెప్టెంబరులో 66 లక్షలకు చేరింది. దాదాపు 36.5 శాతం వాటాతో ఇండిగో సంస్థ దేశీయ విమానయన మార్కెట్లో అత్యధిక వాటాను సొంత చేసుకుంది. తరువాత స్థానంలో ‘జెట్‌ ఎయిర్‌వేస్‌-జెట్‌లైట్‌’ సంస్థలు కలిపి 22 శాతం మార్కెట్‌ వాటాను అందుకున్నాయి. ప్రభుత్వ రంగ సంస్థ ఎయిర్‌ ఇండియా 15.9% వాటాతో మూడో స్థానంలో నిలిచింది.