హైదరాబాద్ : నగరంలో నాగోల్ లో ఉన్న ఓ ఏటీఎం మంటల్లో కాలిపోయింది. బుధవారం తెల్లవారుజామున ఈ ఘటన చోటు చేసుకుంది. నాగోల్ పరిధిలో హెచ్ డీఎఫ్ సీ, ఐసీసీఐ బ్యాంకులకు చెందిన ఏటీఎంలున్నాయి. తాను తెల్లవారుజామున ఊడుస్తుండగా హెచ్ డీఎఫ్ సీ ఏటీఎంలో పొగ..మంటలు వచ్చాయని సెక్యూర్టీ గార్డు పేర్కొన్నాడు. ఒక్కసారిగా మంటలు ఏటీఎం మొత్తం విస్తరించాయి. క్షణంలోనే ఏటీఎం..అందులో ఉన్న కరెన్సీ మంటలకు ఆహుతై పోయాయి. పక్కనే ఉన్న ఐసీసీఐ బ్యాంకు ఏటీఎంకు కూడా మంటలు వ్యాపించాయి. అక్కడ ఫర్నీచర్ ధ్వంసం కాగా ఏటీఎం పాక్షికంగా కాలిపోయింది. అప్పటికే అక్కడకు చేరుకున్న ఫైర్ సిబ్బంది మంటలను ఆర్పే ప్రయత్నం చేశారు. హెచ్ డీఎఫ్ సీ ఏటీఎంలో షార్ట్ సర్క్యూటే కారణమని తెలుస్తోంది.
