లిక్కర్ కింగ్ విజయ్ మాల్యా విల్లాను సొంతం చేసుకున్నాడు సినీ హీరో సచిన్ జోషీ. గోవాలో ఉన్న విలాసవంతమైన కింగ్ ఫిషర్ విల్లాను రిజర్వ ధర 73 కోట్ల రూపాయల కంటే ఎక్కువ మొత్తానికి కొనుక్కోవడానికి ముందుకొచ్చాడు. ఈ విషయాన్ని ధ్రువీకరించారు SBI చైర్‌పర్సన్ అరుంధతి భట్టాచార్య. మాల్యా రుణాలను రికవరీ చేసేందుకుగాను గోవాలోని దీన్ని వేలానికి ఉంచారు. కండోలిమ్‌లో అరేబియా సముద్రానికి ఎదురుగా ఉంటుంది ఈ విల్లా. ఈ విలాసవంతమైన విల్లాలో అన్ని రకాల సదుపాయాలు, వసతులు ఉన్నాయి. వేలంలో ఈ విల్లాను కొనుగోలు చేసేందుకు కొందరు ఆసక్తి చూపినా రిజర్వ్ ధర చెల్లించేందుకు ఎవరూ ముందుకు రాలేదు. దీంతో పలుమార్లు నిర్వహించిన వేలంలో రిజర్వ్ ధరను 85 కోట్ల నుంచి 81 కోట్లకు, చివరకు 73 కోట్ల రూపాయలకు తగ్గించారు. చివరకు ఈ విల్లాను సచిన్ జోషి సొంతం చేసుకున్నారు. జేఎంజే గ్రూప్ ఆఫ్ కంపెనీస్ వైస్ చైర్మన్‌ హోదాలో జోషి ఫిట్‌నెస్ సెంటర్ల నుంచి హెల్త్ స్పేష్ వరకు పలు రకాల వ్యాపారాలు నిర్వహిస్తున్నారు. హిందీ చిత్రాలు అజాన్, ముంబై మిర్రర్, జాక్‌పాట్‌లలో నటించారు.