న్యూయార్క్‌: వృద్ధురాలిపై లైంగిక దాడి చేసిన కేసులో ఓ న్యాయమూర్తి సంచలన తీర్పు చెప్పారు. ఈ కేసులో 23ఏళ్ల యువకుడికి 100ఏళ్ల జైలు శిక్ష విధిస్తూ.. అమెరికాలోని ఇల్లినాయిస్‌లో ఓ కోర్టు తీర్పు వెలువరించింది. అసలేం జరిగిందంటే..చికాగోలోని బాలింగ్‌బ్రూగ్‌ ప్రాంతానికి చెందిన టెవిన్‌ రేనీ 2015లో ఓ 89ఏళ్ల వృద్ధురాలితో అసభ్యంగా ప్రవర్తించాడు. వృద్ధురాలి అపార్ట్‌మెంట్‌లోకి ప్రవేశించిన టెవిన్‌ ఆమెను తుపాకీతో బెదిరించి లైంగిక దాడికి పాల్పడ్డాడు. అనంతరం మహిళను ఏటీఎంకు తీసుకెళ్లి ఆమెతో డబ్బు డ్రా చేయించాడు. ఆ తర్వాత అక్కడి నుంచి పారిపోయాడు. బాధితురాలి ఫిర్యాదు మేరకు కేసు నమోదు చేసుకున్న పోలీసులు టెవిన్‌ను అరెస్టు చేశారు. గతవారం ఈ కేసు విచారణ చేపట్టిన డుపేగ్‌ కౌంటీ జడ్జి బ్రేన్‌ టెలండర్‌ టెవిన్‌ను దోషిగా నిర్ధారించి.. సంచలన తీర్పు వెల్లడించారు.లైంగికదాడికి గానూ 60ఏళ్లు, దొంగతనానికి గానూ.. 40ఏళ్ల జైలు శిక్ష విధిస్తున్నట్లు చెప్పారు. ఈ రెండు శిక్షలు వరుసగా ఒకదాని తర్వాత ఒకటి అమలు చేయాలని పోలీసులను ఆదేశించారు. కాగా.. కేసులో 85 శాతం అనుభవించిన తర్వాతే పెరోల్‌కు దరఖాస్తు చేసుకునే వీలుంటుందని న్యాయమూర్తి స్పష్టం చేశారు. కేసు తదుపరి విచారణను వచ్చే గురువారానికి వాయిదా వేశారు.లైంగికదాడి.. దోపిడీకి 100ఏళ్ల శిక్ష ఓ జడ్జి సంచలన తీర్పు
న్యూయార్క్‌: వృద్ధురాలిపై లైంగిక దాడి చేసిన కేసులో ఓ న్యాయమూర్తి సంచలన తీర్పు చెప్పారు. ఈ కేసులో 23ఏళ్ల యువకుడికి 100ఏళ్ల జైలు శిక్ష విధిస్తూ.. అమెరికాలోని ఇల్లినాయిస్‌లో ఓ కోర్టు తీర్పు వెలువరించింది. అసలేం జరిగిందంటే..చికాగోలోని బాలింగ్‌బ్రూగ్‌ ప్రాంతానికి చెందిన టెవిన్‌ రేనీ 2015లో ఓ 89ఏళ్ల వృద్ధురాలితో అసభ్యంగా ప్రవర్తించాడు. వృద్ధురాలి అపార్ట్‌మెంట్‌లోకి ప్రవేశించిన టెవిన్‌ ఆమెను తుపాకీతో బెదిరించి లైంగిక దాడికి పాల్పడ్డాడు. అనంతరం మహిళను ఏటీఎంకు తీసుకెళ్లి ఆమెతో డబ్బు డ్రా చేయించాడు. ఆ తర్వాత అక్కడి నుంచి పారిపోయాడు. బాధితురాలి ఫిర్యాదు మేరకు కేసు నమోదు చేసుకున్న పోలీసులు టెవిన్‌ను అరెస్టు చేశారు. గతవారం ఈ కేసు విచారణ చేపట్టిన డుపేగ్‌ కౌంటీ జడ్జి బ్రేన్‌ టెలండర్‌ టెవిన్‌ను దోషిగా నిర్ధారించి.. సంచలన తీర్పు వెల్లడించారు.లైంగికదాడికి గానూ 60ఏళ్లు, దొంగతనానికి గానూ.. 40ఏళ్ల జైలు శిక్ష విధిస్తున్నట్లు చెప్పారు. ఈ రెండు శిక్షలు వరుసగా ఒకదాని తర్వాత ఒకటి అమలు చేయాలని పోలీసులను ఆదేశించారు. కాగా.. కేసులో 85 శాతం అనుభవించిన తర్వాతే పెరోల్‌కు దరఖాస్తు చేసుకునే వీలుంటుందని న్యాయమూర్తి స్పష్టం చేశారు. కేసు తదుపరి విచారణను వచ్చే గురువారానికి వాయిదా వేశారు.
