లోక్ సభ మాజీ స్పీకర్ పి.ఎ. సంగ్మా మృతి పట్ల లోక్ సభ సంతాపం తెలిపింది. సభ ప్రారంభం కాగానే సంగ్మా మృతి చెందిన విషయాన్ని స్పీకర్ సుమిత్రా మహాజన్ సభకు తెలియజేశారు. ఆయన చేసిన సేవలను ఈ సందర్భంగా స్పీకర్ ప్రస్తావించారు. ఈశాన్య రాష్ట్రాల అభివృద్ధికి సంగ్మా తీవ్రంగా కృషి చేశారని కొనియాడారు. స్పీకర్ గా అన్ని పార్టీల అభిమానాన్ని సొంతం చేసుకున్నారని చెప్పారు. సంతాపం అనంతరం సభను స్పీకర్ మంగళవారానికి వాయిదా వేశారు.
