చైనా ఓపెన్‌లో భారత ఏస్‌ షట్లర్‌, ఒలింపిక్‌ రజత పతక విజేత పీవీ సింధు కెరీర్‌లో తొలి సూపర్‌ సిరీస్‌ టైటిల్‌ గెలుచుకుంది. ఈరోజు ఫుజౌలో జరిగిన ఫైనల్‌లో ఎనిమిదో సీడ్‌ సన్‌ యు (చైనా)పై 21-11, 17-21, 21-11తేడాతో సునాయాస విజయం సాధించింది. ఈ మ్యాచ్‌లో మొదటి గేమ్‌ను సులభంగానే నెగ్గిన సింధు, రెండో గేమ్‌లో పోరాడి ఓడింది. ఇక మూడో గేమ్‌లో ప్రత్యర్థిపై బలమైన షాట్లతో విరుచుకుపడి గేమ్‌తో పాటు మ్యాచ్‌లో కూడా విజయం సాధించింది. ఈ విజయంతో కెరీర్‌లో తొలి సూపర్‌ సిరీస్‌ టైటిల్‌ నెగ్గాలన్న సింధు ఆశ నెరవేరింది.