న్యూఢిల్లీ: 150వ సినిమా షూటింగులో బిజీగా ఉన్న ప్రముఖ సినీ నటులు, కాంగ్రెస్ పార్టీ రాజ్యసభ సభ్యులు చిరంజీవి శుక్రవారం నాడు పార్లమెంటులో ప్రత్యక్షమయ్యారు. సొంత పార్టీ సభ్యుడు కేవీపీ రామచంద్ర రావు ప్రత్యేక హోదా పైన ప్రయివేటు మెంబర్ బిల్లును ప్రవేశ పెట్టిన విషయం తెలిసిందే. దీనిపై ఈ రోజు చర్చ, ఓటింగ్‌కు అవకాశముంది. ఈ నేపథ్యంలో కాంగ్రెస్.. పార్టీ ఎంపీలకు రెండు రోజుల క్రితం విప్ జారీ చేసింది. కేవీపీ బిల్లు నేపథ్యంలో అందరూ సభలో ఉండాలని మూడు లైన్ల విప్ ఇచ్చింది.