చిట్యాల సెప్టెంబర్14 (జనంసాక్షి) అధిక సాంద్రత పద్ధతిలో పత్తి సాగు లాభదాయకమని ఏడిఏ నర్సింగం అన్నారు. బుధవారం మండలంలోని జూకల్ గ్రామంలో  ఏడిఏ  నర్సింగం, మండల వ్యవసాయ శాఖ అధికారి నాలిక రఘుపతి, ఏఈఓ రూపిక గ్రామంలోని రవి, రవీందర్ ల పంట క్షేత్రాలను సందర్శించారు. అనంతరం వారు మాట్లాడుతూ అధిక సాంద్రత పద్ధతిలో పత్తి సాగు చేయడం వలన అధిక దిగుబడి అక్టోబర్, నవంబర్ నెలలో పంట చేతికి వస్తుందన్నారు. పత్తి యొక్క పెరుగుదలను నియంత్రించడానికి మెపిక్వాట్ క్లోరైడ్ 1 లీటర్ నీటికి, 1 ఎంఎల్ మందులను పిచికారి చేయాలని, రైతులకు పలు సలహాలు, సూచనలు చేశారు.