తైవాన్‌లో భూకంపం: 10 రోజుల చిన్నారి సహా 3 మృతి
తైపీ: తూర్పు ఆసియాలోని తైవాన్‌లో శనివారం తెల్లవారుజామున భూకంపం సంభవించింది. రిక్టర్ స్కేలుపై 6.4 తీవ్రతగా నమోదైంది. ఈ భూకంపం ఆ దేశంలో పెను విషాదాన్ని మిగిల్చింది. భూకంపం ధాటికి తైవాన్‌లోని 17 అంతస్తుల భారీ భవంతి పేకమేడలా కుప్పకూలింది.
150 మందికిపైగా శిధిలాలకింద చిక్కుకుపోగా, 10 రోజుల చిన్నారి సహా ముగ్గురు మరణించినట్లు తైవాన్ విపత్తు నిర్వహణ అధికారులు చెప్పారు. ఈశాన్య ప్రాంతంలోని కావోషింగ్ కేంద్రంగా భూమికి 10 కిలోమీటర్ల లోతులో భూకంపం కేంద్రీకృతమైంది.
