టోక్యో: జపాన్ రాజధాని టోక్యోలో దారుణ సంఘటన చోటు చేసుకుంది. నగరం శివారులో ఉన్న సాగమిహరలోని ఓ వికలాంగుల ఆశ్రమంపై ఉన్మాది కత్తితో దాడి చేశాడు. విచక్షణారహితంగా చేసిన ఈ దాడిలో 19 మంది మరణించగా, 25 మంది దాకా గాయపడ్డారు. గాయపడినవారిలో 20 మంది పరిస్థితి ఆందోళనకరంగా ఉంది. దాడి చేసిన తర్వాత దుండగుడుపోలీసులకు లొంగిపోయాడు. అతన్ని ఆశ్రమం పూర్వ ఉద్యోగిగా గుర్తించారు. పోలీసు స్టేషన్‌కు వెళ్లి ఆ పని తానే చేశానంటూ 26 ఏళ్ల యువకుడు లొంగిపోయాడు.