బ్రిటన్‌ కన్జర్వేటివ్‌ ప్రభుత్వం రూపొందించిన కార్మిక వ్యతిరేక బిల్లుకు పార్లమెంట్‌ మలి ఓటింగ్‌లో ఆమోదముద్ర వేసింది. జెర్మీ కార్బిన్‌ నేతృత్వంలోని లేబర్‌ పార్టీ ఈ బిల్లును వ్యతిరేకించినప్పటికీ 33 ఓట్ల తేడాతో పార్లమెంట్‌ దీనిని ఆమోదించింది. మాజీ సీనియర్‌ బ్యాంకర్‌ అయిన వాణిజ్యమంత్రి సాజిద్‌ జావిద్‌ ప్రతిపాదించిన ఈ బిల్లులో కార్మికులు పారిశ్రామిక, రాజకీయ కార్యకలాపాలను నేరంగా పరిగణించాలని ప్రతిపాదించారు. ఈ బిల్లులోని పలు నిబంధనలు గతంలోని నియంతృత్వ ప్రభుత్వాలు ప్రతి పాదించినవే కావటం విశేషం. కార్మికులు నిరసన ప్రదర్శనలు చేయటానికి ముందు తమ పేర్లను పోలీసుల వద్ద నమోదు చేసుకోవాలన్న ఈ బిల్లులో నిబంధనను ప్రస్తావించిన కన్జ ర్వేటివ్‌ మాజీ సభ్యుడు డేవిడ్‌ డేవిస్‌ ఇది గతంలో స్పానిష్‌ సైనిక నియంత జనరల్‌ ఫ్రాంకో హయాంలో అమలైన రాక్షస చట్టాలను తలపిస్తున్నదని విమర్శించారు. బ్యాలెట్‌ నిర్వహణకు సైతం కఠిన నిబంధనలు విధించిన ఈ చట్టం బ్యాలెట్‌ను పాటించకుంటే చట్టవిరుద్ధమని స్పష్టం చేస్తోంది. ‘ప్రతి పారిశ్రామిక ఆందోళన’కు బ్యాలెట్‌ నిర్వహణను తప్ప నిసరి చేసిన ఈ చట్టం సంఘ సభ్యుల్లో 50 శాతం కన్నా తక్కు వ మంది ఓటు చేసినా లేదా పోస్టల్‌ బ్యాలెట్‌లో 40 శాతం కన్నా తక్కువ మంది సానుకూలత వ్యక్తంచేసినా దానిని చట్టవిరుద్ధం గానే ప్రకటిస్తారు. ఈ బ్యాలెట్‌ను ‘ప్రధాన ప్రభుత్వ సర్వీసు’ లన్నింటిలోని కార్మికులకు నిర్వహిస్తారు. ఆరోగ్య, 17 ఏళ్లలోపు వారి విద్య, అగ్నిమాపకసేవలు, రవాణా రంగం, సరిహద్దు భద్రత, అణు విద్యుత్‌ సేవల వంటి వాటిని ఈ ‘ప్రధాన ప్రభుత్వ సేవల’ పరిధిలోకి తెచ్చారు. ఈ ఆంక్షలన్నింటినీ అధిగమించి కార్మికులు ఆందోళనకు పూనుకుంటే ముందుగా నోటీసు ఇవ్వాల్సిన వ్యవధిని ఏడు రోజుల నుండి 14 రోజులకు పెంచుతూ నిబంధనలను పొందుపర్చారు.
బ్రిటన్‌ కన్జర్వేటివ్‌ ప్రభుత్వం రూపొందించిన కార్మిక వ్యతిరేక బిల్లుకు పార్లమెంట్‌ మలి ఓటింగ్‌లో ఆమోదముద్ర వేసింది. జెర్మీ కార్బిన్‌ నేతృత్వంలోని లేబర్‌ పార్టీ ఈ బిల్లును వ్యతిరేకించినప్పటికీ 33 ఓట్ల తేడాతో పార్లమెంట్‌ దీనిని ఆమోదించింది. మాజీ సీనియర్‌ బ్యాంకర్‌ అయిన వాణిజ్యమంత్రి సాజిద్‌ జావిద్‌ ప్రతిపాదించిన ఈ బిల్లులో కార్మికులు పారిశ్రామిక, రాజకీయ కార్యకలాపాలను నేరంగా పరిగణించాలని ప్రతిపాదించారు. ఈ బిల్లులోని పలు నిబంధనలు గతంలోని నియంతృత్వ ప్రభుత్వాలు ప్రతి పాదించినవే కావటం విశేషం. కార్మికులు నిరసన ప్రదర్శనలు చేయటానికి ముందు తమ పేర్లను పోలీసుల వద్ద నమోదు చేసుకోవాలన్న ఈ బిల్లులో నిబంధనను ప్రస్తావించిన కన్జ ర్వేటివ్‌ మాజీ సభ్యుడు డేవిడ్‌ డేవిస్‌ ఇది గతంలో స్పానిష్‌ సైనిక నియంత జనరల్‌ ఫ్రాంకో హయాంలో అమలైన రాక్షస చట్టాలను తలపిస్తున్నదని విమర్శించారు. బ్యాలెట్‌ నిర్వహణకు సైతం కఠిన నిబంధనలు విధించిన ఈ చట్టం బ్యాలెట్‌ను పాటించకుంటే చట్టవిరుద్ధమని స్పష్టం చేస్తోంది. ‘ప్రతి పారిశ్రామిక ఆందోళన’కు బ్యాలెట్‌ నిర్వహణను తప్ప నిసరి చేసిన ఈ చట్టం సంఘ సభ్యుల్లో 50 శాతం కన్నా తక్కు వ మంది ఓటు చేసినా లేదా పోస్టల్‌ బ్యాలెట్‌లో 40 శాతం కన్నా తక్కువ మంది సానుకూలత వ్యక్తంచేసినా దానిని చట్టవిరుద్ధం గానే ప్రకటిస్తారు. ఈ బ్యాలెట్‌ను ‘ప్రధాన ప్రభుత్వ సర్వీసు’ లన్నింటిలోని కార్మికులకు నిర్వహిస్తారు. ఆరోగ్య, 17 ఏళ్లలోపు వారి విద్య, అగ్నిమాపకసేవలు, రవాణా రంగం, సరిహద్దు భద్రత, అణు విద్యుత్‌ సేవల వంటి వాటిని ఈ ‘ప్రధాన ప్రభుత్వ సేవల’ పరిధిలోకి తెచ్చారు. ఈ ఆంక్షలన్నింటినీ అధిగమించి కార్మికులు ఆందోళనకు పూనుకుంటే ముందుగా నోటీసు ఇవ్వాల్సిన వ్యవధిని ఏడు రోజుల నుండి 14 రోజులకు పెంచుతూ నిబంధనలను పొందుపర్చారు.
