మర్పల్లి, అక్టోబర్ 15 (జనం సాక్షి) ప్రధానమంత్రి అనుసుచితి అభ్యుదయ యోజన కార్యక్రమం ద్వారా ఎస్సీ కుటుంబాలకు జీవోనోపాధి కల్పించనున్నట్లు వికారాబాద్ జిల్లా ఎస్సీ కార్పొరేషన్ ఎగ్జిక్యూటివ్ డైరెక్టర్  బాబు మోసెస్  తెలిపారు. ఈ మేరకు శనివారం మర్పల్లి మండలంలోని కోత్లాపూర్  గ్రామపంచాయతికి అనుబంధ గ్రామమైన అల్లాపూర్ గ్రామంలో వ్యవసాయ అనుబంధ అభివృద్ధి, అవసరానికి  సంబంధించిన ప్రాథమిక సమాచారం సేకరించారు.  ఈ సందర్భంగా బాబు మోసిన్ మాట్లాడుతూ కేంద్ర ప్రభుత్వ నిధుల ద్వారా ప్రధానమంత్రి అను సుచితి అభ్యుదయ యోజన కార్యక్రమం కింద ఎస్సీలకు జీవనోపాధి లభిస్తుందన్నారు. ఈ కార్యక్రమంలో జడ్పిటిసి మధుకర్, ఎంపీడీవో జగన్నాథ్ రెడ్డి, కోత్లాపూర్ గ్రామ సర్పంచ్ ప్రభాకర్, ఉప సర్పంచ్ రాములు, సీనియర్ నాయకులు  రమేష్, వార్డు మెంబర్లు ప్రకాష్, విట్టల రావులతో పాటు చంద్రయ్య విష్ణువర్ధన్ రెడ్డి తదితరులు పాల్గొన్నారు.