దౌల్తాబాద్ మండల పరిధిలో ఉప్పరపల్లి గ్రామానికి చెందిన గొల్ల సిద్ధిరాములు యాదవ్ అనే యువరైతు ఇటీవల అప్పులు బాధ తీర్చలేక తన వ్యవసాయ పొలం వద్ద ఉరి వేసుకుని ఆత్మహత్య చేసుకున్నాడు. విషయం తెలుసుకున్న సిద్ధిరాములు మిత్రులు 2002-03 విద్యా సంవత్సరంలో పదవ తరగతి పూర్తి చేసిన తోటి స్నేహితులు గురువారం సిద్ధిరాములు కుటుంబానికి 30 వేల రూపాయల ఆర్థిక సహాయం చేశారు. అనంతరం సిద్ధిరాములు స్నేహితులు మాట్లాడుతూ వారి కుటుంబానికి మేము అండగా ఉంటామని చెప్పారు. ఈ కార్యక్రమంలో యాదగిరి,రమేష్,రాజలింగం, స్వామి, నాగరాజు, రాములు, సత్యనారాయణ, అశోక్, భూపతిరెడ్డి, మల్లేష్ తదితరులు పాల్గొన్నారు.