ఆగస్టు 20,(జనం సాక్షి) బషీరాబాద్ మండల కేంద్రంలో ప్రధాన రహదారి అనగా ఉప విద్యుత్ కేంద్రం నుండి మొదలు కొన్ని గ్రామపంచాయతీ వరకు ఇలాంటి గుంతలు చాలా ఉన్నాయని ఈ గుంతలు పూడ్చి తారు రోడ్డు వేసేది ఎప్పుడు అన్ని ప్రజలు గ్రామస్తులు వాహనదారులు మండిపడుతున్నారు. ఈ దారి నుండి ఉదయం నుండి సాయంత్రం వరకు ఎంతో మంది అధికారులు వెళుతూ ఉంటారు. మరియు ప్రభుత్వ వాహనాలు ప్రైవేటు వాహనాలు ఎన్నో వెళుతున్నాయి కానీ ఈ రోడ్డు మాత్రం పట్టించుకోరు ఎందుకు ఈ గుంతలు ఈ మురికి నీరు కనబడుటలేదా అని ప్రజలు మండిపడుతున్నారు. ప్రస్తుతం వర్షాకాలం కావడంతో పెద్ద వాహనాలు అనగా బస్సులు,లారీలు వెళుతుంటే ఆ యొక్క మురికినీరు ద్విచక్ర వాహనాలపై పడుతుందని ద్విచక్ర వాహనాలు చింతిస్తున్నారు. సారూ ఈ గుంతలను పూడ్చి తారు రోడ్డు వేయాలని ప్రజలు డిమాండ్ చేస్తున్నారు.