ఉర్కొండ నవంబర్ 08, ( జనం సాక్షి ) ;నాగర్ కర్నూలు జిల్లా ఊరుకొండ పోలీస్ స్టేషన్ పరిధిలో హెడ్ కానిస్టేబుల్ గా పనిచేస్తున్న వెంకోజి మరోసారి సేవా గుణాన్ని చాటుకున్నారు. మండలంలో ప్రసిద్ధిగాంచిన అభయాంజనేయ స్వామి దేవాలయానికి వెళ్లే దారిలో ఊరుకొండ – ఊరుకొండ గ్రామాల మధ్యలో కొండ పక్కన మలుపు దగ్గర చెట్లు ,పిచ్చి మొక్కలు ఉండటంతో తన సొంత నిధులతో జెసిబి సహాయంతో తొలగించడం జరిగింది. ఆలయానికి వచ్చే భక్తులు హెడ్ కానిస్టేబుల్ వెంకోజికి కృతజ్ఞతలు తెలియజేశారు.ఆపదలో ఉన్నారు అని తన దృష్టికి వచ్చిన వెంటనే వాళ్లకు తనకు తోచినంత డబ్బు, సరుకులు ఇచ్చి ఆదుకుంటున్నారు. ఒకపక్క తన విధి నిర్వహణలో మంచి పేరు సంపాదించుకుంటూనే, మండలంలో నిరుపేదలకు తన వంతు సహాయం చేస్తూ అందరి మన్ననలు పొందుతూ శభాష్ అనిపించుకుంటున్నారు హెడ్ కానిస్టేబుల్ వెంకోజీ .