స్పందించిన నాని.. అవసరమైన లారీలను ఏర్పాటు చేస్తామని హామీ ఇచ్చారు. ఇదిలా ఉంటే షిప్‌ల నుంచి సకాలంలో మనకు కేటాయించిన కోటా యూరియాను తీసుకునేందుకు ప్రతీ పోర్టుకు వ్యవసాయశాఖలోని ఒక సీనియర్‌ అధికారిని పంపించాలని ఆదేశించారు. ఈ విధంగా రెండు మూడు రోజుల్లోనే లక్ష టన్నుల యూరియాను రాష్ర్టానికి వచ్చేలా ఏర్పాట్లు చేశారు. ఇక రాష్ర్టానికి వచ్చిన యూరియాను నేరుగా గ్రామాలకు తరలించాలని ఆదేశించారు. కేసీఆర్‌ ఆదేశాలతో నాడు అధికారులు ఏకంగా 4వేల లారీలను సిద్ధం చేయడం గమనార్హం. ఈ విధంగా సకాలంలో యూరియాను తెప్పించి.. రైతులకు సరఫరా చేసి కొరత, ఇబ్బంది లేకుండా జాగ్రత్తలు తీసుకున్నారు.

యూరియా తెప్పించేందుకు కేసీఆర్‌ చేసిన కృషిపై నెటిజన్లు ప్రశంసలు కురిపిస్తున్నారు. పదేండ్లలో ఎక్కడా యూరియా కొరత అనే మాట వినిపించకుండా నాటి సీఎం కేసీఆర్‌ చర్యలు తీసుకున్నారు. సీజన్‌ ప్రారంభమైందంటే ప్రతీక్షణం యూరియా నిల్వలపై సమీక్షించేవారు. సీజన్‌కు ముందే బఫర్‌స్టాక్‌ ఉండేలా చర్యలు తీసుకునేవారు. తద్వారా ఎక్కడా యూరియా కొరత రాకుండా చర్యలు తీసుకున్నారు. కానీ ప్రస్తుతం ఇందుకు పూర్తి విరుద్ధంగా పరిస్థితి ఉండడం గమనార్హం. ఎక్కడ చూసినా యూరియా కొరతే. ఒక్క బస్తా కోసం రైతులు పడిగాపులు కాస్తున్నారు. ఉదయం 4 గంటల నుంచే ఎరువుల దుకాణాల ముందు బారులు తీరుతున్నారు.