అన్నదానం చేస్తున్న సభ్యులు.
బెల్లంపల్లి,సెప్టెంబర్ 22,(జనంసాక్షి)
బెల్లంపల్లి పట్టణంలోని కాంటా ఏరియా బస్టాండ్ వద్ద గురువారం అమ్మఒడి స్వచ్ఛంద సేవా సంస్థ ఆధ్వర్యంలో అన్నదానం చేపట్టారు. ఈసందర్భంగా అమ్మఒడి అన్నదాత ప్రాజెక్టు బెల్లంపల్లి బ్రాంచ్ మేనేజర్ హనుమండ్ల మదుకర్ మాట్లాడుతూ అన్నమో రామచంద్ర అని ఆకలితో అలమటిస్తున్న వారి ఆకలి బాధను తగ్గించడానికి తమ వంతు సాయంగా అన్నదానం కార్యక్రమం ప్రారంభించామని తెలిపారు. బిమిని మండలం జగ్గయ్యపేట గ్రామానికి చెందిన కీ౹౹శే౹౹ డాక్టర్ బోనగిరి సాంబయ్య గుప్తా – కమల బాయి ఆశీస్సులతో వారి కుమారుడు బోనగిరి సుమతి – ప్రేమ్ సాగర్ గుప్తా దంపతుల మనుమలు నయన్ గుప్తా, శ్రీయన్ గుప్తా జన్మదినం సందర్భంగా 148వ సారి అన్నదానం చేపట్టినట్లు అయన పేర్కొన్నారు. బెల్లంపల్లి పట్టణంలోని కాంటా చౌరస్తా పల్లెటూరి బస్టాండు వద్ద యచకులకు, నిరుపేదలకు, కూలీలకు, బాటసారులకు, సుమారు 200 మందికి అన్నదానం చేసినట్లు తెలిపారు. ఈకార్యక్రమంలో అమ్మఒడి సభ్యులు హనుమండ్ల సువర్ణ, కుడికాల రాజు, రంగ సురేష్, ఎండి యూసుఫ్, చెందుపట్ల లింగన్న, మేడిపల్లి రమేష్ పాల్గొన్నారు.