శివ్వంపేట అక్టోబర్ 17 జనంసాక్షి : మండల పరిధిలోని రత్నాపూర్ గ్రామానికి చెందిన గంట సత్తయ్య తన కాలుకు అయిన గాయనికి చికిత్స కోసం చిన్నగొట్టిముక్ల గ్రామం నుంచి నర్సాపూర్ లోని ఆసుపత్రికి చిన్నగొట్టిముక్ల గ్రామస్థుడైనా సయ్యద్ సలీం ఆటో, నెంబర్ TS 15 UA6041 లో సోమవారం వెళ్తుండగా మార్గమధ్యలో ఆటో చాకరిమెట్ల దగ్గర కు చేరుకోగానే ఆటో కు కోతులు అడ్డుగా వచ్చాయి. కోతులను తప్పిస్తుండగా ఆటో బోల్తాకొట్టింది. దీంతో సత్తయ్య తలకు, కళ్ళకి బలమైన దెబ్బలు తగిలి సత్తయ్య అక్కడికక్కడే చనిపోయాడని తెలిపారు. మిగతా ఆటో లో ఉన్న ప్రయాణికులకు స్వల్ప గాయాలయ్యాయని ఎస్ఐ రవికాంత్ రావు తెలిపారు. మృతుడీ కుమారుడు గంట రాములు ఫిర్యాదు మేరకు దీనిపై కేసు నమోదు చేసుకొని ధర్యాప్తు నిర్వహిస్తున్నట్లు ఎస్ ఐ తెలిపారు.