ఆర్టీసీ డిపో మేనేజర్ శ్రీకాంత్.
ఊరుకొండ, సెప్టెంబర్ 10 (జనం సాక్షి):
తెలంగాణ రాష్ట్ర రోడ్డు రవాణా సంస్థ అందిస్తున్న సేవలను ప్రజలు, ప్రయాణికులు సద్వినియోగం చేసుకోవాలని ఆర్టీసీ డిపో మేనేజర్ శ్రీకాంత్ అన్నారు. శనివారం ఊరుకొండ మండల కేంద్రంలోని నేతాజీ చౌక్ సమీపంలో ఏర్పాటుచేసిన ప్రజల వద్దకు ఆర్టీసీ సేవలు కార్యక్రమంలో భాగంగా ఆర్టీసీ యాజమాన్యం పిలుపుమేరకు ప్రజల వద్దకు ఆర్టిసి అమలు చేస్తున్న పథకాలు రాయితీలను తెలియజేయాలనే ఉద్దేశంతో ప్రజల వద్దకు ఆర్టిసి కార్యక్రమాన్ని నిర్వహించారు. డిపో మేనేజర్ శ్రీకాంత్ ఆర్టీసీ అందిస్తున్న పథకాలను వివరించి ఆర్టీసీని ఆదరించాలని, 90 ఏళ్లుగా ఆర్టీసీ అందిస్తున్న పథకాల పై ప్రజలకు అవగాహన కల్పించారు. ఇప్పుడు అందిస్తున్న ఆర్టీసీ రాయితీ పథకాలను మరియు ఆర్టీసీ అందిస్తున్న తిరుమల తిరుపతి దేవస్థానం ప్రత్యేక దర్శనం వివరాలను తెలియజేశారు. కార్యక్రమంలో స్థానిక సర్పంచ్ కొమ్ము రాజయ్య, ఆర్టీసీ కార్మిక నేత ధార సుందర్, ఆర్టీసీ సిబ్బంది, గ్రామ యువకులు, ప్రజలు, ప్రయాణికులు, తదితరులు, పాల్గొన్నారు.