సూర్యాపేట ప్రతినిధి (జనంసాక్షి): సత్యసాయి ధ్యాన మండలి వ్యవస్థాపకులు బిక్షమయ్య గురూజీ ఆధ్వర్యంలో నేడు జిల్లా కేంద్రంలోని సిద్ధార్థ హై స్కూల్ లో నిర్వహించే

ఉచిత అంతర్ముఖ యోగా శిక్షణ పరిచయ కార్యక్రమాన్ని సద్వినియోగం చేసుకోవాలని యోగా నిర్వాహకులు మర్రు హనుమంతరావు తెలిపారు.శుక్రవారం జిల్లా కేంద్రంలోని సిద్ధార్థ హైస్కూల్ లో అంతర్ముఖ యోగా శిక్షణ కరపత్రాలను ఆవిష్కరించి మాట్లాడారు.నేటి సాయంత్రం  యోగా గురుజి బిక్షమయ్యచే పరిచయ కార్యక్రమం ఉంటుందని తెలిపారు.ఈ నెల 9న ఉదయం శిక్షణ ప్రారంభమవుతుందని చెప్పారు.ఆసక్తి గల వారు ఈ శిక్షణ కార్యక్రమంలో పాల్గొనాలని కోరారు.ఈ శిక్షణకు వచ్చే వారు తెల్లని దుస్తులు ధరించి రావాలని సూచించారు.ఈ శిక్షణలో అతి సరళమైన ఎక్సర్సైజులు గురూజీ ప్రవచనాలు వీడియోల ద్వారా ప్రదర్శించబడతాయని తెలిపారు.మంత్రోపదేశంకు ముందు అమృత ఆహారం  ఏర్పాటు చేసినట్లు తెలిపారు.ఈ శిక్షణలో అన్ని రకాల రుగ్మతలకు సంబంధించి సమగ్ర విశ్వశక్తి యోగ చికిత్స ద్వారా మందులు ఇవ్వబడునని తెలిపారు.శిక్షణ అనంతరం సర్టిఫికెట్ ఇవ్వడం జరుగుతుందన్నారు.ఈ కార్యక్రమంలో నిర్వాహకులు గుంటి శ్రీనివాస్ గురూజీ , రాగి శ్రీనివాసచారి గురూజీ , కూరపాటి రవీందర్ , భూక్య బాలాజీ నాయక్ , వి.బాలయ్య తదితరులు పాల్గొన్నారు.