హుజూర్ నగర్ సెప్టెంబర్ 5 (జనం సాక్షి): హుజుర్ నగర్ పట్టణంలోని ఎండిఆర్ పాఠశాల నందు ఉపాధ్యాయ దినోత్సవం వేడుకను ఘనంగా నిర్వహించారు. సోమవారం పాఠశాల ప్రిన్సిపల్ నలబోలు భూపాల్ రెడ్డి, ఉపాధ్యాయుని, ఉపాధ్యాయులు శుభాకాంక్షలు తెలిపి పాఠశాల ఆవరణలో కేక్ కట్ చేయడం జరిగిందన్నారు. ఈ సందర్భంగా ప్రిన్సిపల్ భూపాల్ రెడ్డి మాట్లాడుతూ డాక్టర్ సర్వేపల్లి రాధాకృష్ణ ఓ మంచి ఉపాధ్యాయుడిగా రాష్ట్రపతిగా మన దేశానికి ఎన్నో సేవలు అందించారని ఆయన గుర్తుగా సెప్టెంబర్ 5న టీచర్స్ డే ని నిర్వహించుకోవడం జరుగుతుందనతన్నారు. ఒక విద్యార్థి భవిష్యత్తును భావితరాలకు ఉపయోగపడే విధంగా తీర్చిదిద్దే ఒకే ఒక వ్యక్తి ఉపాధ్యాయుడని అన్నారు. ఈ కార్యక్రమంలో పాఠశాల ఉపాధ్యాయినీ, ఉపాధ్యాయులు విద్యార్థులు తదితరులు పాల్గొన్నారు.