చొప్పదండి ఆగస్టు 11 (జనం సాక్షి): ప్రజా గాయకుడు, ప్రజాకవి, గద్దర్ కు పట్టణంలోని తెలంగాణ
చౌరస్తా వద్ద జానపద కళరత్న అవార్డు గ్రహీత డోలక్ రాజు ఆధ్వర్యంలో భజన మండలి కళాకారులు నివాళులర్పించారు. చొప్పదండిలోని శ్రీ హనుమాన్ సాయి భజన మండలి, శ్రీ భక్త మార్కండేయ భజన మండలి సభ్యులు ప్రజా గాయకుడు, ప్రజా కవి, యుద్ధనౌక గద్దర్ కి పూలమాలవేసి, కొవ్వొత్తులతో నివాళులర్పించారు.ఈ సందర్భంగా డోలక్ రాజు మాట్లాడుతూ తెలంగాణ ఉద్యమంలో ఎన్నో ఉద్యమ పాటలు, విప్లవ పాటలు రాసి పాడి ప్రజలను ఉత్తేజపరిచి తెలంగాణ ఉద్యమానికి తన వంతుగా కృషి చేసిన గద్దర్ లేకపోవడం కళాకారులకు బాధాకరం, తీరని లోటు అని అన్నారు. కార్యక్రమంలో శ్రీ హనుమాన్ సాయి భజన మండలి కళాకారులు చీకట్ల లచ్చయ్య,దండే రాజయ్య,పిట్టల రఘు మోహన్,దండే కొమురయ్య, మంచికట్ల విట్టల్,పూదరి నారాయణ,దండే లింగన్న,దూస రాము,చెట్టిపెళ్లి శంకరయ్య,గర్షకుర్తి కనకయ్య శ్రీ భక్త మార్కండేయ భజన మండలి కళాకారులు కోడూరి లక్ష్మీపతి,బోగ హరికిషన్,సిరిపురం మల్లేశం,గుండ నరసయ్య,తుమ్మ చంద్రశేఖర్,అడిగొప్పుల రాజేశం,వల్లాల మహేష్,వల్లాల సంతోష్ తదితరులు పాల్గొన్నారు.