భీమదేవరపల్లి

మండలం సెప్టెంబర్(28) జనం సాక్షి న్యూస్

ముల్కనూర్ సహకార సొసైటీ 66వ వార్షిక మహాసభ మంగళవారం నాడు సంఘం పారిబాయిల్డ్ మిల్లు ఆవరణలో ఘనంగా జరిగింది. ఈ సందర్భంగా బ్యాంకు వ్యవస్థాపక అధ్యక్షులు ఏ కేవీఆర్ చిత్రపటానికి ప్రస్తుత అధ్యక్షులు ప్రవీణ్ రెడ్డి నివాళులర్పించారు. అనంతరం సంఘ కార్యదర్శి రాజమౌళి నివేదిక చదివి వినిపించారు. ఈ సందర్భంగా ప్రవీణ్ రెడ్డి మాట్లాడుతూ సభ్యులకు ఈ దసరాకు రెండు కోట్ల 25 లక్షల రూపాయల బోనసును పంపిణీ చేస్తున్నట్లు ప్రకటించారు . వాటాల డిపాజిట్ల మీద రెండు కోట్ల 56 లక్షలు జమ చేయడం జరిగిందన్నారు. సభ్యుల సంక్షేమం పంట రుణమాఫీ వృద్ధాప్య పెన్షన్ దహన ఖర్చులు వీటన్నిటికీ 8 కోట్ల రూపాయలు ఖర్చు చేశామని తెలిపారు. ఖరీఫ్ రవి సీజన్లో రైతులు అందించిన వరి పంటకు క్వింటాలకు 125, పత్తి పంటకు క్వింటాలుకు 350 రూపాయలు బోనస్ అందించనున్నట్లు తెలిపారు. ఈ కార్యక్రమంలో బ్యాంకు జీఎం రాం రెడ్డి, పాలకవర్గ సభ్యులు రైతులు తదితరులు పాల్గొన్నారు.