ఊరుకొండ, అక్టోబర్ 9 (జనంసాక్షి):
రామాయణాన్ని మధుర కావ్యంగా మలిచి.. మానవజాతికి సన్మార్గాన్ని నిర్దేశించిన గొప్ప మహానుభావుడు వాల్మీకి మహర్షి అని మండలంలోని వివిధ పార్టీల నాయకులు, వాల్మీకి సంఘం నాయకులు కొనియాడారు. ఆదివారం ఊరుకొండ మండల కేంద్రంలోని కల్వకుర్తి – జడ్చర్ల ప్రధాన రహదారిపై వాల్మీకి జయంతి సందర్భంగా ఆయన చిత్రపటానికి పూలమాలలు వేసి ఘనంగా నివాళులు అర్పించారు. ఈ సందర్భంగా పలువురు నాయకులు మాట్లాడుతూ.. మనిషిలో మార్పు, పరివర్తన అనేది చాలా ముఖ్యం అన్న విషయాన్ని తాను స్వయంగా పరివర్తన చెంది చూయించిన గొప్ప వ్యక్తిత్వం కలిగిన వ్యక్తి వాల్మీకి అని అన్నారు. కార్యక్రమంలో మండల కో ఆప్షన్ కలీం పాషా, మాజీ సర్పంచ్ శ్రీనివాసులు, మండల నాయకులు రమేష్, కొమ్ము శ్రీను, బండి మల్లేష్, చందు, కాంగ్రెస్ మండల నాయకులు, కార్యకర్తలు, వాల్మీకి సంఘం నాయకులు వెంకటయ్య, రవి, ఆంజనేయులు, శ్రీశైలం, అంజీ, రాజు, తదితరులు పాల్గొన్నారు.