సూర్యాపేట టౌన్ (జనంసాక్షి):విగ్నేశ్వరుని మానస పుత్రిక సంతోషిమాత జయంతి వేడుకలను శుక్రవారం స్థానిక సంతోషిమాత దేవాలయంలో ఘనంగా నిర్వహించారు.ఈ వేడుకలలో జడ్పీ వైస్ చైర్మన్ గోపగాని వెంకట్ నారాయణ గౌడ్, జిల్లా గ్రంథాలయ సంస్థ చైర్మన్ నిమ్మల శ్రీనివాస్ గౌడ్, మున్సిపల్ చైర్మన్ పెరుమాళ్ళ  అన్నపూర్ణ శ్రీనివాస్ పాల్గొని ప్రత్యేక పూజలు నిర్వహించారు.దాతల సహకారంతో తయారు చేయించిన వెండి నక్షత్ర హారతి, వెండి కుంభహారతి, వెండి అభిషేకం సెట్టు  అమ్మవారికి సమర్పించారు.బంగారు రాఖీ సమర్పించి రాఖీ వేడుకలు నిర్వహించారు.దేవాలయ ప్రధాన అర్చకులు ఇరువంటి శివరామకృష్ణ శర్మ అమ్మవారికి 108 కలశములతో పంచామృత అభిషేకం నిర్వహించారు.దేవాలయ కమిటీ సభ్యులు సంతోష్ కుమార్, ఝాన్సీరాణి దంపతులు అమ్మవారికి పట్టువస్త్రాలను సమర్పించగా ప్రత్యేకంగా  అలంకరించారు. అమ్మవారికి ఉద్యాపన వ్రతం నిర్వహించారు.భక్తులు అమ్మవారికి వడిబియ్యం పోశారు.మహా పూర్ణాహుతి నిర్వహించారు.అమ్మవారికి నామకరణ మహోత్సవం,పవలింపు సేవా కార్యక్రమాలు జరిపించారు.మూడు రోజుల పాటు జరిగిన వేడుకలను పూర్ణాహుతితో ముగింపు పలికారు.ఈ వేడుకల్లో రాష్ట్ర టిఆర్ఎస్ కార్యదర్శి యలగందుల వెంకటేశ్వర్లు,పార్టీ పట్టణ అధ్యక్షులు సవరాల సత్యనారాయణ, ఆర్డిఓ రాజేంద్ర కుమార్ , మున్సిపల్ కమిషనర్ బైరెడ్డి సంజీవరెడ్డి ,తహసిల్దార్ వెంకన్న దేవాలయ అధ్యక్షులు నూకా వెంకటేశం గుప్తా, ప్రదాన కార్యదర్శి బ్రహ్మాండపల్లి మురళీధర్ , కోశాధికారి పాలవరపు రామమూర్తి , అర్జున్ గుప్తా,విద్యాసాగర్ రావు, సోమయ్య , విజయ్ కుమార్, అశోక్,  బ్రాహ్మయ్య , పాపిరెడ్డి, మల్లికార్జున్, వెంకటేశ్వర్లు, మంగిపుడి వీరభద్ర శర్మ, వంశీ కృష్ణ శర్మ, దేవాలయ మేనేజర్ బచ్చుపురుషోత్తం తదితరులు పాల్గొన్నారు.