ఝరాసంగం సెప్టెంబర్ 21 జనం సాక్షి మండల పరిధిలోని ప్రాథమికోన్నత పాఠశాల చీలేపల్లి లో బుధవారం చీర్ అప్ ఏ కిడ్ హైదరాబాద్ వారు విద్యార్థులకు నోట్ పుస్తకాలు, స్లేట్స్ ,కాంపస్ బాక్స్ వంటి సామాగ్రిని అందజేయడం జరిగిందని సంస్థ వ్యవస్థాపకులు శ్రీకర్ రెడ్డి, సలహాదారులు . సతీష్ కుమార్ లు తెలిపారు. ఈ సందర్భంగా వారు మాట్లాడుతూ గ్రామీణ ప్రాంతాల్లో ఉన్న పేద విద్యార్థులకు ఇలా ఎంతో కొంత సహాయం చేయడం మాకు చాలా ఆనందంగా ఉందని,ప్రతి పేద విద్యార్థి బాగా చదువుకుని జీవితంలో సామాజికంగాను ఆర్థికంగాను ఎదిగినప్పుడే దేశం అభివృద్ధి చెందుతుందని అన్నారు
తరగతి గదిలోనే దేశ భవిష్యత్తు నిర్ధారించబడుతుందని,అందువల్ల చదువుకోవడానికి ఇబ్బంది పడుతున్న ప్రతి పేద విద్యార్థికి సమాజంలో అభివృద్ధి చెందినవారు ఎంతోకొంత సహాయ సహకారాలు అందించాలని వారన్నారు. భవిష్యత్తులో విద్యార్థులకు ఇంకా మరింత సహకారం అందిస్తామని ఈ సందర్భంగా వారు చెప్పారు.
ఈ కార్యక్రమంలో పాఠశాల ప్రధానోపాధ్యాయులు
వై అమృత్ సంస్థప్రతినిధులు,ఎన్. రాజరత్నం,తుల్జారాం,ఉపాద్యాయులు విద్యార్థులు తదితరులు పాల్గొన్నారు.